#ቴዲ_አፍሮ

#ማር_እስከ_ጧፍ

የጸበል ዳር እንኮይ  ወንዝ ያወዛት ቅጠል

ተሸፍናው ዋርካ ከልሏት የ ዛፍ ጠል

የት ነበር ያረኩት ቀፎዬን ስል ኖሬ

ንብ ተከትዬ ባይ ጎጃም ኑራ ማሬ

(ጎጃም ኖራለች ለካ)

ብራናዬ አንቺ የልጅነቴ ጓዴ

ተረሳሽ ወይ የሳት ዙሪያው ተረት በአንዴ

ብራናዬ አንቺ የልጅነቴ ቀለም

እኔ እንዳንቺ ያጠናሁት ፊደል የለም

ፍቅር የበዛባት ዘልቆ ከማንኩሳ

መንናለች አሉኝ ቢጫ ልብስ ለብሳ

ሸዋ ከሩፋኤል ስጠብቃት ኖሬ

ንቤ ገዳም ገብታ ጎጃም ኑራ ማሬ

 

ሲኖዳ ዮሀንስ ያመት ወዜን ይዤ

ጋማ ሽጦ ካሳ ሸኝቶኝ ከወንዜ

መጥቼ ከሸዋ ስጠብቃት ኖሬ

ለካ ገዳም ገብታ ጎጃም  ኑራ ማሬ

“ሀ” ብለህ ተው ድገም ሲሉኝ ንስሀ አባቴ

“ዋ” ብዬ ተማርኩኝ አይ አለመስማቴ

ቀለምወርቄ ቢሆን የቅርቤ ጓደኛ

ፍቅር ለያዘው ሰው ከልካይ የ ለው ዳኛ

አሁን በማ ትኬ ይህ ልቤን ልካሠው

አንዴ በሷ ፍቅር የተረታውን ሰው

የት እርቄ ሳገኝ ከፍቅሩዋ መሸሻ

እሡዋ ሆና ለኔ የ ዐለም መጨረሻ

ማር ጧፍ ሁኔ

ማር ጧፍ ሁና

ማሬ ማሬ 4x

ጎጃም ኑራ ማሬ

ማር ጧፍ ሆኖ ገባ መቅደስ

ነዶ ለሊት ፀሎት ሊያደርስ

ዲማ ጎርጊስ ወይ ማንኩሳ

ያቺ ወንጌል ቢጫ ለብሳ

ከንግዲማ ቆብ አስጥዬ

እንዳልወስዳት አባብዬ

ሰብልዬ ናት እማሆዬ

ሰብልዬ ናት እማሆዬ

 

ሰብል አለም በቢጫ ቀለም

ሰብሊ የአዳም ገባሽ ወይ ገዳም

ወይ ገዳም ገባሽ ወይ ገዳም

===============

የጸበል ዳር እንኮይ  ወንዝ ያወዛት ቅጠል

ተሸፍናው ዋርካ ከልሏት የ ዛፍ ጠል

የት ነበር ያረኩት ቀፎዬን ስል ኖሬ

ንብ ተከትዬ ባይ ጎጃም ኑራ ማሬ

(ጎጃም ኖራለች ለካ)

ብራናዬ አንቺ የልጅነቴ ጓዴ

ተረሳሽ ወይ የሳት ዙሪያው ተረት በአንዴ

ብራናዬ አንቺ የልጅነቴ ቀለም

እኔ እንዳንቺ ያጠናሁት ፊደል የለም

====================

ላሳደገኝ ደብር የስለት ልጅ ሆኜ

ካህን እንዴት ይፍታኝ ያንቺ እስረኛ ሆኜ

በግዜ ተደፋ የቀለሙ ቀንዴ

የኔ ፊደል ማወቅ ካንቺ አዳነኝ እንዴ

ሳዋህድ የኖርኩት ቅኔ ከ ደብተሬ

ተሽሎኝ ተገኘ ኀላ እንዲሉ ገብሬ

ለካ ሰው አይድንም በደገመው መጽሐፍ

እንደሰም አቅልጦ ፍቅር ካረገው ጧፍ

ለካ ሰው አይድንም በ ኦሪቱ ገድል

ወንጌል ይዞ መቶ ፍቅር ካረገ ድል

ማር ሲገባ ገዳም ድንጋይ ተንተርሶ

ጧፋም እንደ መናኝ እዩት ቢጫ ለብሶ

===============

ወንጌል መነኮሱ በልጅነታቸው

ማር እስከ ጧፍ ሆኖ አለም ቢነዳቸው

አንቺ የ ፍቅር ፅጌ ውድ ነሽ በጣምሙን

መምጣቴ ነው በቃ እኔ አቃተኝ አሁን

አዲስ ዐለም ሆነ ባንቺ ስል ወጋየሁ

እድሌ ሆነና ባጣሽ ተሰቃየው

ማር ጧፍ ሁኔ

ማር ጧፍ ሁና

 

ማሬ ማሬ 4x

ጎጃም ኑራ ማሬ

ማር ጧፍ ሆኖ ገባ መቅደስ

ነዶ ለሊት ፀሎት ሊያደርስ

ዲማ ጎርጊስ ወይ ማንኩሳ

ያቺ ወንጌል ቢጫ ለብሳ

ከንግዲማ ቆብ አስጥዬ

እንዳልወስዳት አባብዬ

ሰብልዬ ናት እማሆዬ

ሰብልዬ ናት እማሆዬ

 

ሰብል አለም በቢጫ ቀለም

ሰብሊ የአዳም ገባሽ ወይ ገዳም

ወይ ገዳም ገባሽ ወይ ገዳም

ዘንግ ይዛ ማር ዘንግ ይዛ

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Advertisements